Tulisen Tuladhane Cangkriman Manut Jinise

Tulisen Tuladhane Cangkriman Manut Jinise

 

Jawaban

1. Cangkriman sing wujude wancahan (cekakan),

Tuladhane :

  • Burnas Kopen = Bubur panas kokopen.
  • Pakboletus = Tipak kebo lelene satus.

2. Cangkriman sing wujude pepindhan (irib-iriban),

Tuladhane :

  • Sega sakepel dirubung tinggi, batangane salak
  • Gajah nguntal sangkrah, batangane pawonan

3. Cangkriman sing wujude plesetan,

Tuladhane :

  • Wong wudunen iku sugih pari. Pari apa? Paringisan.
  • Ana gajah numpak becak, ketok apane? Ketok mbujuke.

4. Cangkriman sing sinawung ing tembang.

Tuladhane :

  • Bapak pucung renteng-renteng kaya kalung,
  • Dawa kaya ula,
  • Pencokanmu wesi miring,
  • Yen lumaku si pucung ngumbar swara.
  • Bedhekane: sepur

 

Penjelasan

Cangkriman yaiku unen-unen sing kudu dibedhek utawa dibatang maksude. Mula saka iku, cangkriman uga diarani bedhekan utawa batangan. Cangkriman iku wujude ana 4, yaiku:

  1. Cangkriman sing wujude wancahan (cekakan),
  2. Cangkriman sing wujude pepindhan (irib-iriban),
  3. Cangkriman sing wujude plesetan, lan
  4. Cangkriman sing sinawung ing tembang.

Tinggalkan Balasan

Alamat email Anda tidak akan dipublikasikan. Ruas yang wajib ditandai *